WHA will shoe my bonny foot?

And wha will glove my hand? And wha will lace my waist sae sma' Wi' a lang lang linen band?

"O wha will kame my yellow hair
With a new made silver kame?
And wha will father my young son,
Till Lord Gregory come hame?"-

"Thy father will shoe thy bonny foot, Thy mother will glove thy hand, Thy sister will lace thy waist sae sma', Till Lord Gregory come to land.

66

Thy brother will kame thy yellow hair
With a new-made silver kame,

And God will be thy bairn's father
Till Lord Gregory come hame.”.

"But I will get a bonny boat,
To sail the salt, salt sea!
And I will gang to Lord Gregory

Since he canna come hame to me."

Syne she's gar'd build a bonny boat
To sail the salt, salt sea;

The sails were o' the light green silk
The tows o' taffety.1

She hadna sailed but twenty leagues,
But twenty leagues and three,
When she met wi' a rank robber
And a' his company.

1 Many "stately schippes" of this description occur in Romance. Partenopex de Blois meets with such a vessel (see Rose's Translation); and in the Romance of Richard Cœur de Lion, the messengers who are sent to discover "the fairest woman alive," as a wife for King Henry, meet on the open seas with a ship of whalebone, adorned with nails of gold. Her masts were of ivory, and the sails of samite were fastened with ropes of white silk: the decks of this "fayre ship" were covered with cloth of gold; and seated on a throne of "carboncle stone," was an antique personage, who declared himself to be the King of Antioch.

"Now whether are ye the queen hersell

(For so ye weel might be,)

Or are ye the Lass of Lochroyan,
Seekin' Lord Gregory?"

66

Oh, I am neither the queen, she said,

Nor sic I seem to be;

But I am the Lass o' Lochroyan,
Seekin' Lord Gregory.”—

"Oh see ye not yon bonny bower?
It's a' covered o'er wi' tin,—
When thou hast sailed it round about,
Lord Gregory is within.”-

And when she saw the stately tower
Shining sae clear and bright,
Whilk stood abune the jawing1 wave,
Built on a rock of height.

Says " Row the boat, my mariners,
And bring me to the land!
For yonder I see my love's castle
Close by the salt-sea strand."

She sailed it round, and sailed it round,
And loud, loud cried she-

"Now break, now break, ye fairy charms, And set my true love free!"

I Dashing.

She's ta'en her young son in her arms,
And to the door she's gane;

And long she knocked and sair she ca'd,

But answer got she nane.

"O open the door, Lord Gregory!

O open and let me in!

For the wind blaws through my yellow hair, And the rain draps o'er my chin."

66

Awa, awa, ye ill woman!

Ye're no come here for good;

Ye're but some witch, or wild warlock,
Or mermaid o' the flood."

66

I'm neither witch, nor wild warlock,
Nor mermaid o' the sea;

But I am Annie o' Lochroyan;

"Gin thou be Annie o' Lochroyan
(As I trow thou binna she)

Now tell me some o' the love tokens
That past between thee and me?"

"Oh dinna ye mind, Lord Gregory,
As we sat at the wine,

We changed the rings frae our fingers,
And I can show thee thine?"

U

"Oh yours was gude, and gude enough,
But aye the best was mine;

For yours was o' the gude red gowd,
But mine o' the diamond fine."

"Now open the door, Lord Gregory!
Open the door, I pray!

For thy young son is in my arms,
And will be dead 'ere day."-

"If thou be the lass o' Lochroyan
(As I kenna thou be)

Tell me some mair o' the love tokens
Past between me and thee?"-

Fair Annie turned her round about—
"Weel! since that it be sae,

May never a woman that has borne a son
Hae a heart sae fou o' wae!"

"Take down, take down, that mast of gowd!

Set up a mast of tree!

It disna become a forsaken ladye

To sail sae royallie!"

When the cock had crawn, and the day did dawn,

And the sun began to peep,

Then up and raise him, Lord Gregory,

And sair, sair did he weep.