26

STANZAS FOR MUSIC.

HERE'S A HEALTH TO ANE I LO'E DEAR.

Here's a health to ane I lo'e dear,

Here's a health to ane I lo'e dear;

Thou art sweet as the smile when fond lovers meet,

And soft as the parting tear-Jessy!

ALTHO' thou maun never be mine,
Altho' even hope is denied,
'Tis sweeter for thee despairing

Than aught in the world beside-Jessy!

I mourn thro' the gay, gaudy day,

As, hopeless, I muse on thy charms; But welcome the dream o' sweet slumber, For then I am locked in thy arms-Jessy!

I guess by the dear angel smile,

I guess by the love-rolling ee; But why urge the tender confession

'Gainst fortune's fell cruel decree-Jessy!

Here's a health to ane I lo'e dear,

Here's a health to ane I lo'e dear;

Thou art sweet as the smile when fond lovers

meet,

And soft as the parting tear-Jessy!

ROBERT BUrns.

CA' THE YOWES TO THE KNOWES.

Ca' the yowes to the knowes,

Ca' them where the heather grows,
Ca' them where the burnie rows,

My bonnie dearie.

HARK the mavis' evening sang
Sounding Clouden's woods amang;
Then a faulding let us gang,

My bonnie dearie.

We'll gae down by Clouden side,
Thro' the hazels spreading wide,
O'er the waves that sweetly glide
To the moon sae clearly.

Yonder Clouden's silent towers,
Where at moonshine, midnight hours,
O'er the dewy bending flowers,

Fairies dance sae cheery.

Ghaist nor bogle shalt thou fear;
Thou 'rt to love and heaven sae dear,
Nocht of ill may come thee near,
My bonnie dearie.

Fair and lovely as thou art,

Thou hast stown my very heart;
I can die-but canna part,
My bonnie dearie.

While waters wimple to the sea,
While day blinks in the lift sae hie,
Till clay-cauld death shall blin' my ee,
Ye shall be my dearie.

Ca' the yowes to the knowes,
Ca' them where the heather grows,
Ca' them where the burnie rows,
My bonnie dearie.

ROBERT BURNS.

MERRY MAY THE KEEL ROWE.

As I came down through Cannobie,
Through Cannobie, through Cannobie,
The summer sun had shut his ee,

And loud a lass did sing-o:
Ye westlin winds, all gently blow;
Ye seas, soft as my wishes flow;
And merry may the shallop rowe
That my true love sails in-o!

My love hath breath like roses sweet,
Like roses sweet, like roses sweet,
And arms like lilies dipt in weet,

To fold a maiden in-o.

There's not a wave that swells the sea But bears a prayer and wish frae me;-O soon may I my true-love see,

Wi' his bauld bands again-o!

My lover wears a bonnet blue,
A bonnet blue, a bonnet blue-
A rose so white, a heart so true

A dimple on his chin-o.

He bears a blade his foes have felt, And nobles at his nod have knelt; My heart will break as well as melt, Should he ne'er come again-o.

ANONYMOUS.

FAREWELL TO NANCY.

AE fond kiss, and then we sever!
Ae fareweel, alas, for ever!

Deep in heart-wrung tears I'll pledge thee;
Warring sighs and groans I'll wage thee.
Who shall say that Fortune grieves him,
While the star of hope she leaves him?
Me, nae cheerfu' twinkle lights me;
Dark despair around benights me.

I'll ne'er blame my partial fancy-
Naething could resist my Nancy:
But to see her was to love her,
Love but her, and love for ever.
Had we never loved sae kindly,
Had we never loved sae blindly,
Never met-or never parted,
We had ne'er been broken-hearted.

Fare thee weel, thou first and fairest!
Fare thee weel, thou best and dearest!
Thine be ilka joy and treasure,
Peace, enjoyment, love, and pleasure!
Ae fond kiss, and then we sever!
Ae fareweel, alas! for ever!
Deep in heart-wrung tears I'll pledge thee;
Warring sighs and groans I'll wage thee.

ROBERT BURNS

OF A' THE AIRTS THE WIND CAN BLAW.

OF a' the airts the wind can blaw,
I dearly like the west;

For there the bonnie lassie lives,

The lassie I lo'e best.

There wild woods grow, and rivers row,
And monie a hill between;
But day and night my fancy's flight
Is ever wi' my Jean.

I see her in the dewy flowers,

I see her sweet and fair;

I hear her in the tunefu' birds,

I hear her charm the air; There's not a bonnie flower that springs By fountain, shaw, or green— There's not a bonnie bird that sings, But minds me o' my Jean.

ROBERT BURNS