Succenset, miseret, medio exardescit amore,

Dum furor inque oculo gutta minante tremit. Cernis adhuc dubiam; quid enim? licet impia matris

Colchidos, at non sit dextera Timomachi.

IN NIOBES STATUAM.4

FECERAT e vivâ lapidem me Jupiter; at me
Praxiteles vivam reddidit e lapide.

A NYMPH OFFERING A STATUE OF HERSELF TO VENUS.

TE tibi, sancta, fero nudam; formosius ipsa
Cum tibi, quod ferrem, te, Dea, nil habui.

IN AMOREM DORMIENTEM.5

DOCTE puer vigiles mortalibus addere curas,
Anne potest in te somnus habere locum?
Laxi juxta arcus, et fax suspensa quiescit,
Dormit et in pharetrâ clausa sagitta suâ
Longè mater abest; longè Cythereïa turba :
Verùm ausint alii te prope ferre pedem,

Non ego: nam metui valdè, mihi, perfide, quiddam
Forsan et in somnis ne meditere mali.

4 Anthol. p. 315.

5 Ib. p. 332. Catullianam illam spirat mollitiem. Gray.

FROM A FRAGMENT* OF PLATO."

ITUR in Idalios tractus, felicia regna,
Fundit ubi densam myrtea sylva comam,
Intus Amor teneram visus spirare quietem,
Dum roseo roseos imprimit ore toros ;
Sublimem procul a ramis pendere pharetram,
Et de languidulâ spicula lapsa manu,
Vidimus, et risu molli diducta labella
Murmure quæ assiduo pervolitabat apis.

IN FONTEM AQUÆ CALIDÆ,7

SUB platanis puer Idalius prope fluminis undam Dormiit, in ripâ deposuitque facem.

Tempus adest, sociæ, Nympharum audentior una Tempus adest, ultra quid dubitamus? ait. Ilicet incurrit, pestem ut divûmque hominumque Lampada collectis exanimaret aquis:

Demens! nam nequiit sævam restinguere flam

mam

Nympha, sed ipsa ignes traxit, et inde calet.

IRREPSISSE suas murem videt Argus in ædes, Atque ait, heus, a me nunquid, amice, velis? Ille autem ridens, metuas nihil, inquit; apud te, O bone, non epulas, hospitium petimus.

* "Elegantissimum hercle fragmentum, quod sic Latinè nostro modo adumbravimus.' Gray.

• The second of the name. Anthol. p. 332.

7 Anthol. p. 354.

8 Ib. p. 186.

9 HANC tibi Rufinus mittit, Rodoclea, coronam, Has tibi decerpens texerat ipse rosas;

Est viola, est anemone, est suave-rubens hyacynthus,

Mistaque Narcisso lutea caltha suo:

Sume; sed aspiciens, ah, fidere desine formæ ; Qui pinxit, brevis est, sertaque teque, color.

AD AMOREM.10

PAULISPER vigiles, oro, compesce dolores,
Respue nec musæ supplicis aure preces;
Oro brevem lacrymis veniam, requiemque furori:
Ah, ego non possum vulnera tanta pati!
Intima flamma, vides, miseros depascitur artus,
Surgit et extremis spiritus in labiis:

Quòd si tam tenuem cordi est exsolvere vitam,
Stabit in opprobrium sculpta querela tuum.
Juro perque faces istas, arcumque sonantem,
Spiculaque hoc unum figere docta jecur;
Heu fuge crudelem puerum, sævasque sagittas!
Huic fuit exitii causa, viator, Amor.

9 Anthol. p. 474.

10 Ib. p. 452.

THE END.