Беларусь на арбіцеVodary Paris, 8 черв. 2017 р. - 171 стор. У 2017 годзе беларусы святкуюць паўтысячагоддзе беларускага, рускага і ўкраінскага — усходнеславянскага — кнігадрукавання, пачатага Францыскам Скарынам у Празе 6 жніўня 1517 года. Але вартасць гэтай падзеі значна большая: менавіта ад Скарыны злічаецца і вакол яго групуецца беларуская культурная прастора ўвогуле. Ушанаванне і святкаванне гэтай ідэнтычнасці недастаткова правесці кропкава і забыць. Серыя «Ямы, вуллі і віры» выдавецтва Vodary ў Парыжы засноўваецца роўна праз 500 год 6 жніўня як форма працяглага і паўтаральнага святкавання і ўшанавання беларускай культурнай прасторы. Яе мэтай з'яўляецца прыцягненне ўвагі да беларускасці і беларускай мовы, папулярызацыя беларускай спадчыны і здзяйсненне Скарынавай праграмы зрабіць веды дасяжнымі. Серыя будзе карыстацца трыма беларускімі графікамі — кірыліцай, лацінкай łacinkaj і арабіцай ارابیصایْ. «Чалавек ёсць нешта, што трэба пераадолець». Святочная серыя пра беларускасць пачынаецца з двух уражанняў, у якіх беларусы ўсё яшчэ пазнаюць сябе. Першае — «Тутэйшыя» Янкі Купалы — гэта ўражанне знутры народа, якое мы яшчэ не пераадолелі. Другое — вонкавае — плён таленавітага савецкага інжынера, галоўнага ката Купалы Панцеляймона Панамарэнкі. Мы наўмысна друкуем два гэтыя тэксты разам. Адказны за выдаўніцтва: Максім Севелеў-Дуброўнік |